Wararka ka imaanaya Gobolka Jubada Hoose ayaa sheegaya in roobab dabaylo watta oo ka da’ay halkaas ay ku dhinteen dad kalluumaysato ah. Wasiirka
Wasiirka Wasaaradda Kalluumaysiga ee Dowladda Jubaland Ibraahim Cabdi Xasan ayaa warbaahinta u sheegay in dad gaaraya 9 qof ay kudhinteen xeebaha Raas kaambooni ee Gobolka Jubada hoose.
“Runtii waa sheeko xanuun badan in ay dhintay 9 ruux, oo ahaa jillaabato, waxaa muhiim ah in qof kasta oo taxadar sameeyo ” ayuu yiri wasiirka kalluumeysiga Jubaland Ibraahim Cabdi Xasan.
Wasiirka ayaa sheegay in badanaa xilliyadaan oo kale roobabka dabaylaha watta ay ka da’aan xeebaha Soomaaliya.
Kalluumaystada ayaa cabsi ka qaba in ay dhib kasoo gaarto roobabkaan dabaylaha watta. Wasaaradda Kalluumaysiga Jubaland ayaa kalluumaysatada ugu baaqday in aysan badwaynta ku fogaan
