Kooxda Manchester City ayaa xalay wacdaro ku dhigtay naadiga Newcastle United kulan ka tirsan horyaalka Ingiriiska ciyaar ka dhacday garoonka Man City ee Etihad.
Ciyaarta oo socota kaliya 10 daqiiqo ayuu Gabriel Jesus oo Man city ka tirsan dhaliyay gool hogganka u dhiibay Man City.
Kaddib 10 daqiiqo oo kale Riyad Mahrez ayaa dhaliyay goolka 2-aad.
Newcstale ayaa iska dhalisay goolka 3-aad ee loo diiwangeliyay Man City, waxaana iska dhaliyay ciyaaryahan Federico Fernandes daqiiqaddii 58-aad.
David Silva ayaa ka dhigay 4-0, iydoo gabagabada uu Sterling dhaliyay goolka 5-aad sidaasna Man City ugu adkaatay 5-0.
Dhinaca kale Liverpool ayaa 3-1 uga adkaatay naadiga Brighton & Hove Albion kulan ka tirsan horyaalka oo ay xalay wada cayaareen.
Maxamed Saalax ayaa dhaliyay labaaley iyadoo goolka 3-aadna uu dhaliyey kabtanka kooxda ee Jordan Henderson.
Kulamada kale ee xalay la cayaaray waxaa isaga horyimid Southampton Vs Wolverhampton oo ay Southampton guushu ku raacday 1-0.
Wes Ham VS Burnley, oo 1-0 Burnley ku adkaatay.
HALBEEG
