Waxaa magaalada Dhuusamareeb gaaray wafdi uu hogaaminayo madaxwaynaha Dowladda Puntland, wafdigaan ayaa ka qayb qaadan doona shirka madaxda dowlad goboleedyada ee ka furmaya Dhuusamareeb maalinta barrito.
Wafdigan ayaa waxaa garoonka diyaaradaha Ugaas Nuur ee magaalada Dhuusamareeb ku soo dhoweeyay Madaxweynaha Galmudug Axmed Cabdi Kaariye ( Qoor Qoor) iyo qaar ka mid ah Golihiisa Wasiirada iyo qeybaha kala duwan ee Bulshada.
Waxaa haatan Dhuusamareeb ku sugan qaar kamid ah madaxda dowlad goboleedyada iyadoo qaybo kalana la filayo in ay soo gaaraan maanta.
