Wadahadalla u dhaxeeya dalalka Masar, Itoobiya iyo Suudaan ayaa dib u bilawday. Wadahaladaan ayaa looga gol leeyahay sidii isfaham looga gaari lahaa biyo xireenka Itoobiya ka dhisayso wabiga Niilka.
Wakaaladda wararka ee Suudaan ayaa sheegtay wadaxaajoodka seddexda dal u dhaxeeya oo ku saabsan muranka webiga Nile oo qaab muuqaal ahaan ay dhinacyada u wadahadlayaan uu dhexdhexaadinayo Midowga Afrika.
Todobaad kahor wadaxaajoodkii dalalkaasi u dhaxeeyay ayaa natiijo la’aan kusoo gebagaboobay, kadib markii ay ku heshiin waayeen arrimo la xidhiidha qaabka loo buuxinayo biyo xireenka Itoobiya ay dhiseyso.
Itoobiya ayaa ku adkeysatay in bishan July ay billaabeyso buuxinta biyo xireenka.
Masar iyo Suudaan waxay dhankooda ku doodayaan inay Itoobiya billaabi karin buuxinta biyo xireenka ilaa heshiis buuxa ay seddexda dal gaaraan.
Dhankiisa Wasiirka biyaha iyo waraabka dalka Masar ayaa sheegay in wadaxaajoodkii seddex geesoodka ahaa ay Jimcihii shalay gelinkii dambe dib u billowdeen si ay dalalka isula meel dhigaan waxyaabaha la isku mari lahaa.
Dalka Itoobiya oo masar kala dhaxayso khilaaf ku aadan wabiga Niil ayaa haatan waxaa ka taagan qulqulatooyin siyaasadeed. Waxaan lagaran karin saamaynta ay qulqulatooyinkaan ku yeelan karaan arrimaha la xiriira khilaafka wabiga Niil.
