Hay’adda Caafimadka Adduunka ee loo soo gaabiyo WHO ayaa ka digaty in dunidu ay ku adkaan doonto in si degdeg ah ay uga lug baxdo cudurka Korona feyras iyada oo ay waddama badabn diiwaan gelinayaan kiisaskii ugu badnaa si maslinle ah.
Hay’adda WHO waxay sheegtay 24-kii saac ee ugu dambeeyey in dunida laga diiwaan geliyey 106,000 oo kiisas cusub ah.
Agaasimaha Guud ee Hay’adda Caafimadka Adduunka Dr Tewedros Adhanom Gabreyesus ayaa walaac ka muujiyey kiisaska cusub ee soo kordhay xilli dhaqaalaha dunida uu hoos u sii dhacayo cudurka awgii.
Digniinta WHO ayaa ku so beegmeysa xilli ay kiisaska cudurka ee dunida ay ku sii dhaw yihiin 5 malyan.
Xeel-dheerayaasha caafimaadkuna waxay ka digeen tirada kiisaska cudurka ee dunida oo haatan lagu sheegay ku dhawaad 5 malyan iney aad ugu badan tahay tirada rasmiga ah dadka uu cudurka haleelay, waddamada qaar ayaa jira oo aan baaritaanno badan sameynin taas oo sii murjineysa walaaca dunida ee COVID-19.
In ka badan 326,000 oo qof ayaa cudurkan aafada noqday ee Korona dunida ugu geeriyooday, sida ay tibaaxeyso xogta laga helayo Jaamacadda John Hopkins oo diiwaangeliso kiisaska cudurka ee dunida.
Dalka Mareykanka ayaana noqday waddan uu si weyn uu cudurka u saameeyey iyada oo dad ka badan 1.5 malyan uu cudurka soo ritay 92,000 oo qofna ay cudurka u dhinteen.
“Hay’adda WHO waxay sheegtay 24-kii saac ee ugu dameeyey in dunida laga diiwan geliyey 106,000 oo kiisas cusub, tani iyo marka uu cudurka dunida ka dillaacay waa tiradi maalinlaha ee ugu badneed oo la diiwaangeliyo,” ayuu yiri Dr Tewedros Adhanom oo arbacadi shir jaraa’id qabtay.
“Ku dhawaad seddex meelood laba ka mid ah kiisaskaasi waxaa laga diiwaangeliyey afar dal oo keli ah,” ayuu sii raaciyey.
Dr Tewedros waxaa kale oo uu ka digay iney weli dunida u baahan tahay wakhti dheer si ay cudurkan safmarka ay uga lug baxdo.
Digniinta Agaasimaha WHO ayaa ku soo beegmeysa xilli ay waddama badan oo uu Mareykanka ka mid yahay ay billaabeen in ay xayiraadaha iyo bandowga ay horay u soo rogeen ay dabciyaan.
Isha Warka: Halbeeg
