Madaxwaynaha Degaanka Soomaalida ee dalka Itoobiya Mustafe cagjar ayaa maanta oo Sabti ah xariga ka jaray shaybaar cusub oo loogu talagalay in lagu baaro cudurka Covid 19.
Munaasabadda xarig jarka ayaa waxaa kasoo qayb galay madaxda degaanka u saraysa, maamulka Jaamacadda Jigjiga iyo mas’uuliyiin kale.
Shaybaarkan ayaa sida ay sheegeen maamulka Jaamacadda Jigjiga wuxuu maalintiiba baari karaa 240 muunadood. Waxaana hadda kaddib laga maarmi doonaa baaristii hadda ka hor loo diri jray magaalada Addis Ababa.
Qalablan lagu baadhayo cudurka Covid 19 ayay keenistiisu kusoo hagaagaysaa xilli aad loogu baahnaa, isla markaana lagaga kaaftoomi doona shaybaarkii Addis Ababa yaalay.
HIIRAAN ONLINE
