Diyaaraddii ugu horraysay iyo tareenkii ugu horeeyay ayaa gaadhay magaalada Wuhan kadib markii magaaladdaas oo xuddun u ahayd cudurka Coronavirus ay ka baxday xannibaaddii saarnayd muddo 76 maalmood ah.
Waxay timid kadib markii magaalada Wuhan oo ay ku nool dad gaaraya 11 milyan laga soo sheegay kaliya labo cudur oo cusub 14-kii maalmood ee lasoo dhaafay.
Diyaaradda Xiamen Air 8095 ayaa noqotay diyaaraddii ugu horreysay oo ganacsi oo cago dhigatay Wuhan. Dadka magaalada Wuhan ayaa si diiran usoo dhoweeyay.
Warbaahinta dowladda Shiinaha ayaa sheegtay in ugu yaraan 11,000 oo rakaab diyaaradeed ah ay ka dhoofeen garoonka Wuhan, halka 55,000 kalena ay ka baxeen goobaha tareenada ee magaalada ku yaal.
Hiiraan Online
